Shkup, 15 mars – Ministri i Drejtësisë, Krenar Lloga realizoi takim me drejtorin e NDI-së në vend, Robert Skot Hejzlet. Në këtë takim u bisedua lidhur me procesin e reformës zgjedhore dhe formimin e grupit të punës për këtë qëllim.
Ministri Lloga ka falënderuar për bashkëpunimin dhe ndihmën nga ana e NDI-së e cila do të vazhdojë edhe në periudhën në vijim me synim përparimin dhe demokratizimin e procesit zgjedhor në vend.
Lloga e informoi Skot Hejzlet për përkushtimin që i tërë procesi të jetë gjithëpërfshirës, ndërsa zgjidhjet të miratohen me konsensus, duke i përfshirë vërejtjet dhe sugjerimet e partive politike, ekspertëve dhe organizatave joqeveritare. Përfaqësuesit e NDI-së mes tjerash u informuan se VMRO-DPMNE-së i jepet mundësia të propozojë kryesuesin e grupit punues.
