Vizitorët me fat të parkut në Richmond të Londrës patën rastin të shohin një numër të madh të delfinëve.
Shikuesit u surprizuan në shëtitjen e fundjavës kur atyre iu bashkuan një grup delfinësh përgjatë lumit Richmond Lock dhe Footbridge.
Disa prej kalimtarëve frikësoheshin se gjitarë ishin bllokuar në ujë andaj i thirrën edhe zjarrfikësit, shkruajnë mediat e huaja.
https://metro.co.uk/video/embed/3172327
“Kishte disa vetura, dy zjarrfikëse nën urë dhe një tjetër që vinte, mendova se kjo ishte pak e çuditshme”, tha James Moon.
“Një nga zjarrfikësit tha se u thirrën pasi mendonin se ishin bllokuar delfinët. Ata nuk ishin të qartë sepse mund t’i shihje duke dalë në sipërfaqe e duke u ngatërruar afër njëri-tjetrit”, shtoi Moon.
Bëhet e ditur se përreth lumit kishte plot fëmijë e prindër që i shikonin gjitarët detar dhe i filmonin ata.
Ndryshe, delfinët mendohet se ishin nga Atlantiku pasi përmbanin vija të bardha në trup.
