Kavadar, 12 maj – Ministria e Arsimit dhe Shkencës ka hartuar rekomandimet më të rëndësishme të sigurisë për procesin arsimor, tha sot ministri i Arsimit dhe Shkencës, Jeton Shaqiri, gjatë vizitës së tij të punës në Kavadar.
Duke iu përgjigjur pyetjes së gazetarëve, ai informoi se Ministria e Arsimit dhe Shkencës ka përgatitur rekomandimet më të rëndësishme të sigurisë për procesin arsimor, të cilat do të diskutohen në seancën e Qeverisë të martën. Ministri tha se disa nga shkollat vetë kanë vepruar sipas rekomandimeve të tilla.
“Një nga rekomandimet do të jetë kuadri profesional i shkollave, të bashkëpunojë me personat profesionalë të qendrave për punë sociale, së bashku të jenë në kontakt me nxënësit dhe prindërit e tyre. Që të gjithë, të mund të vlerësojnë se çfarë është rreziku në një moment të caktuar” bëri të ditur Shaqiri.
