Agjencia Zhurnal.mk.

Mbi të gjitha na nevojiten zgjedhje të lira e demokratike, rasti i “krahut të djathtë” të Shaqir Fetahut qoftë rasti i fundit!

Shkup, 7 maj – Në vendin tonë sot ka filluar votimi i të sëmurëve ose personave të pafuqishëm, personave të cilët vuajnë dënimin me burg ose janë në paraburgim, personave të cilët ishin paraqitur për votim ndërsa janë strehuar në institucionet për kujdes jashtë familjes, personave të zhvendosur brenda vendit dhe personave nga diaspora, informojnë nga Komisioni Shtetëror i Zgjedhjeve.

Gjithsej 11.095 të sëmurë ose të pafuqishëm mund ta realizojnë të drejtën e tyre të votës për rrethin e dytë të zgjedhjeve presidenciale, përderisa për zgjedhjet parlamentare të drejtë vote kanë 100 votues më tepër, respektivisht gjithsej 11.197 të sëmurë dhe të pafuqishëm, shkruan Zhurnal. “Me fillim në orën 7:00 në 14 institucione ndëshkuese- përmirësuese, të drejtën e tyre të votës mund ta realizojnë 2147 të burgosur për zgjedhjet presidenciale gjegjësisht 2140 të burgosur për zgjedhjet parlamentare.

Pesëqind e tridhjetë e katër persona të vendosur në institucione për kujdes jashtë familjes të drejtën e tyre të votës mund ta realizojnë në gjithsej 20 qendra për zgjedhjet presidenciale dhe parlamentare dhe dy votues të regjistruar si persona të zhvendosur brenda vendit kanë të drejtë vote në dy llojet e zgjedhjeve”, thuhet në kumtesën e sotme të KSHZ-së. Gjithashtu në orën 7:00 varësisht zonës kohore, votimi filloi edhe në përfaqësitë diplomatike konsullore dhe zyrat konsullore jashtë vendit ku votohet vetëm për zgjedhjet presidenciale. Në diasporë të drejtën e tyre të votës mund ta realizojnë 2..569 votues, në 31 Përfaqësi konsullore diplomatike ose Zyra konsullore.

8 maji të jetë datë e ndryshimit pozitiv, e jo i parregullsive zgjedhore!

Votimi i sotëm është vetëm uvertyrë e vogël në “Ditën D”, respektivishht në votimin e ditës së nesërme. Për shumë gjëra 8 maji i këtij viti është paralajmëruar si datë e ndryshimit të madh, që shpresojmë se do të dëshmohet datë e tillë, në kuptimin e plotë pozitiv, e jo i një procesi të njollosur zgjedhor, shkruan Zhurnal. Pas shumë viteve kemi proces të dyfishtë zgjedhor në një ditë të njëjtë, që në njëfarë mënyrë i jep peshë të dyfishtë këtyre zgjedhjeve. Në Maqedooninë e Veriut ende është prezente dukuria që sa më të rëndëishme të jenë zgjedhjet, aq më i “lartë “ është tensioni dhe kjo pak a shumë po vërtetohet edhe në këto zgjedhje, ani pse jemi vend kandidat për anëtarësim në Bashkimin Evropian.

Ne si medium, por edhe gjitha mediumet tjera, duhet të bëjmë appel që zgjedhjejt të jenë të lira dhe demokratike, sepse proceset zgjedhdore e partitë politike vijnë e shkojnë, por integrimi i vendit në BE është shumë më i rëndësishëm. Duhet pasur kujdes që të mos ndodhin raste, sikurse ai i “krahut të djathtë” të Shaqir Fetahut, i cili është arrestur nën dyshim për tentim blerje votash. urojmë dhe shpresojmë që dyshimet të mos jenë të vërteta, sepse krijojnë një njollë si në aspekt politik, poashtu edhe në aspekt kombëtar e fetar. Ne si medium, sinqerisht u habitëm që “dora e djtathtë” e kryetarit të një bashkësie fetare të merret me gjëra të tilla.

Mirëpo ata që thonë se e njohin më mirë se ne Shaqir Fetahun, aspak nuk janë të habitur, e madje nuk e përjashtojnë mundësinë që “ndoshta kryetari i BFI-së e ka futë llugave krahun e tij të djathtë”. Shpresojmë të mos jetë ashtu, por të njëjtit njerëz na përkujtojnë se ishte pikërisht kryetari i BFI-së ai për që para disa viteve u denoncua publikisht se në “emër të Allahut” ka kërkuar vota për politikanë të caktuar.

Si u arrestua “dora e djthatë” e Shaqir Fetahut?

Ministria e Punëve të Brendshme ka bërë të ditur se ka arrestuar dje dy persona në Çashkë, pasi dyshohen se kanë bërë blerje votash. Ndërsa tani më sipas informacioneve zyrtare, bëhet fjalë për imamin e Komunës së Çashkës Adem Choreskin dhe këshilltarin e BDI-së Ibrahim Ismailovski, të dy këto janë krahët e djathtë e Shaqir Fetahut, kreut të Bashkësisë Islame Fetare në Maqedoni, shkruan alfax.mk.

Shaqir Fetahu, nuk është hera parë që është akuzuar për përkrahje të BDI-së, tani më njerëzit e tij janë zënë në flagrancë duke blerë vota në njësinë zgjedhore numër 3, ku BDI pretendon të nxjerr një deputet, por për shkak të votuesve të pakët shqiptar, makineria e blerjes së votave është aktivizuar ndaj komuniteteve.
Gjithashtu në terren raportohet për blerje të votave edhe në vende të tjera. Sot (06.05.2024) në ora 15.20 nëpunësit policorë nga SPB Veles kanë privuar nga liria I.I.(52) nga fshati Mellnicë, komuna e Çashkës.

Gjithashtu, në ora 17:00 nëpunësit policorë të SPB Veles kanë arrestuar A.Ç.(50) nga fshati Mellnicë, komuna e Çashkës.” – thuhet në deklaratën zyrtare të Policisë. Shpresojmë dhe dëshirojmë që ky rast të rezultojë i pabazë, por edhe nëse është i vërtetë, atëherë të jetë rasti i vetëm dhe i fundit që hedh njollë mbi procesin zgjedhor të 8 majit./Zhurnal

Related posts

Kompletohen grupet e punës për formimin e Qeverisë, do të takohen ditët e ardhshme

Redaksia

Kërcënime në stil mafioz ndaj kryetares së Gjykatës Kushtetuese: Një Krevat dhe një thikë i futen në garazhën e shhtëpisë

I Z

Intervistë ekskluzive e ish presidentit Ilir Meta: Vullneti i qytetarëve në Shqipëri do të triumfojë siç triumfoi në Maqedoni!

I Z

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky