Shkup, 21 nëntor – Numri i përgjithshëm i pasagjerëve të transportuar në transportin rrugor është 10.131 mijë në tremujorin e tretë të vitit 2023 dhe krahasuar me të njëjtën periudhë të një viti më parë është ulur me 2.5%. Sipas llojit të transportit, numri i pasagjerëve të transportuar në transportin urban është ulur me 6.6%, në transportin periferik është rritur me 0.5%, në transportin ndërqytetës është rritur me 3.1%, ndërsa në transportin ndërkombëtar me 38.2%, bëri të ditur Enti Shtetëror i Statistikës.
Në tremujorin e tretë të vitit 2023, krahasuar me të njëjtën periudhë të vitit paraprak, numri i përgjithshëm i kilometrave të udhëtarëve në transportin rrugor është rritur për 14.8%. Sipas llojit të transportit, numri i kilometrave të pasagjerëve në transportin urban shënon rënie për 4.2%, në atë periferik për 5.4%, mes qyteteve është rritur për 9.7%, ndërsa në transportin ndërkombëtarë për 23.5%.
