Brooklyn i afrohet gjithnjë e më shumë kreut të renditjes në Konferencën e Lindjes, pas fitores në sekondën e fundit ndaj Miami, 102-101. Ndeshje me shumë emocione, ku për Nets u dallua Irving me 29 pikë. Në kahun tjetër, Butler e Herro realizuan 50 pikë së bashku, por që s’mjaftuan për të evituar humbjen.
Memphis kam Denver në krye të renditjes në Perëndim, pas fitores 123-118 ndaj Utah Jazz. Bane me 24 pikë e Jones me 21 bënë diferencën në fushë për Memphis. Jashtë fushe fiton Philadelphia, që mundi 123-111 Detroit, ndeshje ku u dallua James Harden me një “triple double”, 20 pikë, 11 rebound e 11 asist.
Vijon të zhgënjejë Phoenix, që u mund 112-98 në fushën e tij nga Cleveland. Mitchell e Garland realizuan nga 22 pikë secili për Cavaliers. Oklahoma, falë 33 pikëve të Shai mundi 120-109 Dallas, ndërsa Atlanta fitoi 112-108 ndaj Clippers, sfidë ku Traae Young shkëlqeu në fushë, duke realizuar 30 pikë për miqtë.
