Shkup, 15 shkurt – Kryetari i VMRO-së, Hristijan Mickoski, në TV21 theksoi se nuk ka besim në prokurorinë dhe drejtësinë, por megjithatë konsideron se ish-ministri i Punëve të Brendshme, Oliver Spasovski duhet të mban përgjegjësi për atë që ka bërë.
Sipas tij, prokurori i ri Ljupço Kotsarev tani ka mundësi të dëshmohet.
“Ja ku e ka shansin tash me këtë kallëzim penal të tregojë se në Maqedoni mund të sundojnë ligjet dhe se në Maqedoni mund të rikthehet besimi dhe besimi në institucionet”, tha Mickoski.
Ndryshe, sot VMRO ka paraqitur kallëzim penal kundër Oliver Spasovskit, i cili sipas tyre, si ish-ministër i Punëve të Brendshme është personalisht dhe drejtpërdrejt përgjegjës për kaosin me dokumentet personale.
