Sofje, 22 maj – Kryetari i Kuvendit kombëtar të Bullgarisë, Nikolla Minçev në intervistën për BNR ka deklaruar se Qeveria nuk po përgatitet ta heq veton për anëtarësimin e Maqedonisë së Veriut në BE.
Sipas Minçevit, kategorikisht nuk do të ketë heqje unanime të vetos për Maqedoninë e Veriut, por siç tha, “kjo temë shumë po eksploatohet për qëllime politike”.
“Arsye reale të pretendohet se ne do të heqim dorë nga interesi kombëtar i Bullgarisë, nuk ka”, tha ai.
Qëndrimi bullgar për këtë temë sipas tij është i qartë dhe pritet përmbushje e Marrëveshjes për fqinjësi të mirë dhe marrëveshjeve tjera.
