Mund të tingëllojë si ngjarja e filmit “Fantastic Voyage”, por që së shpejti mund të kthehet në realitet mundësia që robotët e vegjël të udhëtojnë dhe shpërndajnë medikamente brenda trupit të njeriut.
Studiuesit në Universitetin e Stanford kanë krijuar një “millirobot”, i cili mund të rrotullohet e edhe të notojë në mënyrë që të futet brenda hapësirave të ngushta.
Makineria e vogël sa maja e gishtit, është inspiruar nga arti japonez origami i palosjes së letrave, dhe do të mund të kontrollohet me përdorim të magneteve, dhe që mund të bartë dhe dërgojë medikamente direkt tek një tumor, mpiksje gjaku, infeksion ose tek ndonjë vend ku ka dhimbje.
Sipas studiuesve milliroboti do të mund të bëjë revolucion në mjekës, duke zëvendësuar kështu pilulat dhe injektimit ndër-venoze të cilat edhe mund të shkaktojnë efekte anësore.
Milliroboti i ri ka madhësi prej vetëm 7.8 milimetrave dhe përbëhet prej një pllake magnetike.
