Shkup, 20 qershor – Ministri i Punëve të Brendshme Oliver Spasovski prej sot deri pasnesër do ta udhëheq delegacionin e MPB-së në Bukuresht, ku do të marrë pjesë në Takimin e 23-të të komitetit të Ministrave të Konventës për Bashkëpunim Policor në Evropën Juglindore me temën “Parandalimi i kontrabandës së emigrantëve dhe ndikimi i luftës në Ukrainë ndaj bashkëpunimit policor”.
Spasovski, siç informon MPB, gjatë qëndrimit të punës në Bukuresht do të realizojë disa takime dypalëshe, ndër të cilat me përfaqësuesin e Drejtorisë së Përgjithshme të Komisionit Evropian për Informatikë (DG Digit), Sofi Devleshuver, me zëvendëskryeministrin dhe ministër për Punë të Brendshme të Rumanisë, Marjan Katalina-Predoju dhe me drejtorin e përgjithshëm të Qendrës për Zbatimin e Ligjit në Evropën Juglindore (SELEK), Oguz Serkan Akin.
