Shkup, 9 qershor – Drejtori i Agjencisë për rini dhe sport, Naumçe Mojsovski sot ka paralajmëruar hapjen e dy pishinave të reja në Shkup.
“Projekti më i madh për ne që na ka munguar vitet e fundit, janë 14 pishina për not për kategoritë më të reja, tashmë jemi në përfundim. Tashmë në Tetovë e kemi lëshuar, ato dy në Shkup janë drejt përfundimit, shpresoj që në shtator do të lëshohen”, është përgjigjur Mojsovski në pyetjet e gazetarëve.
Ai sqaroi se bëhet fjalë për pishina me përmasa më të vogla që në to të mund të notojnë nxënësit nga klasa e parë deri në të pestën.
Mojsovski mori pjesë në konferencën për media së bashku me përfaqësuesit e Olimpiadës speciale me rastin e udhëtimit të sportistëve në Lojërat olimpike verore të cilat do të mbahen nga 12 deri më 26 qershor në Berlin.
