Shkup, 27 qershor – Moti sot do të jetë me diell dhe i nxehtë me vranësira të vogla deri mesatare lokale. Do të fryjë erë e lehtë deri mesatare kryesisht nga drejtimi verior. Temperatura minimale do të lëvizë në interval prej 10 deri 20 gradë, ndërsa ajo maksimale do të lëvizë prej 26 deri 33 gradë. Indeksi UV do të jetë 8.
Në Shkup moti do të jetë me diell me vranësira të vogla deri mesatare dhe me erë të lehtë deri mesatare nga drejtimi verior. Temperatura minimale do të bie deri në 16, ndërsa ajo maksimale do të mbërrijë deri 31 gradë.
Nesër në fund të ditës do të ketë destabilizim me shi të rrëmbyeshëm lokal dhe bubullima. Të enjten do të fryjë erë mesatare deri e përforcuar veriore, e cila do të kushtëzojë rënien e temperaturave për disa gradë, ndërsa nga e premtja përsëri do të jenë në rritje.
