India ka “dënuar pa mëdyshje” vrasjen masive të civilëve në Bucha, duke mbështetur një thirrje për një hetim të pavarur.
Kjo tregon një ndryshim të lehtë në retorikë nga India, e cila ka qenë nën presionin e Perëndimit për të dënuar pushtimin e Rusisë, por nuk e kishte bërë një gjë të tillë.
“Raportet e fundit për vrasjet e civilëve në Bucha janë thellësisht shqetësuese”, tha TS Tirumurti, përfaqësuesi i përhershëm i Indisë në OKB, në një takim të Këshillit të Sigurimit, raporton skynews.
“Ne i dënojmë pa mëdyshje këto vrasje dhe mbështesim thirrjen për një hetim të pavarur”, shtoi ai.
India deri më tani ka abstenuar nga votimi për rezolutat e Asamblesë së Përgjithshme të OKB-së që dënojnë pushtimin rus dhe është përpjekur të balancojë lidhjet e saj me Moskën, ndërsa bën thirrje për t’i dhënë fund dhunës.
