Po përhapet zjarri i shkaktuar nga goditja e vetëtimave në një depo nafte në qytetin kubanez Matansas, pasi sot një flakë e përfshiu rezervoarin e tretë. Kjo ndodhi edhe krahas përpjekjeve paraprake të zjarrfikësve për ta ftohur rezervoarin.
Të paktën një person e humbi jetën, ndërsa 122 janë lënduar, ndërsa mbi dhjetëra zjarrfikës rezultojnë të zhdukur.
Rrufeja goditi një nga tetë rezervuaret të premten në mbrëmje, duke shkaktuar një zjarr. Zjarri përfshiu rezervuarin e dytë të shtunën, duke shkaktuar disa shpërthime.
Zjarrfikësit spërkatën ujë mbi rezervuarët e mbetur gjatë fundjavës për t’i ftohur dhe për të ndaluar përhapjen e zjarrit.
Qeveritë në Meksikë dhe Venezuelë dërguan ekipe speciale për të ndihmuar në shuarjen e zjarrit.
Disa persona zyrtarë lokalë i paralajmëruan qytetarët të përdorin maskë për fytyrë ose të mbeten të mbyllur në një hapësirë të mbyllur pasi është duke u përhapur tym që mund të shihet nga kryeqyteti Havanë, larg mbi 100 kilometra.
Sipas ekspertëve, tymi përmban dioksid squfuri, azot oksid, monoksid karboni dhe materie të tjera helmuese.
