Shkup, 26 qershor – Në vendkalimin kufitar Bogorodicë sot në mëngjes koha e pritjes për dalje nga shteti është rreth 20-30 minuta. Në vendkalimet e tjera kufitare nga ana e Maqedonisë së Veriut nuk ka pritje më të gjata për hyrje dhe dalje nga shteti, njoftoi LAMM.
Komunikacioni në rrugët shtetërore zhvillohet pandërprerë, nëpër disa vende të lagështa.
Intensiteti i komunikacionit në akset rrugore jashtë mjediseve urbane është rritur.
LAMM rekomandon përshtatje të shpejtësisë së lëvizjes, respektim të sinjalizimit të vendosur në komunikacion dhe drejtim me kujdes të veturave, veçanërisht në rrugët në afërsi të luginave dhe grykave, ku ka mundësi për paraqitje të rrëshqitjeve të dheut. Kjo veçanërisht ka të bëjë për akset rrugore Katllanovë – Veles, Mavrovë -Dibër, Vinicë – Berovë dhe Koçan – Dellçevë.
Nga LAMM njoftojnë se pas vërshimeve të shkaktuara në datën 14 të këtij muaji, në Dellçevë dhe rrethinë janë dëmtuar themelet e urës në lumin Cërvenska në rrugën magjistrale seksioni A3 Makedonska Kamenicë – Dellçevë. Komunikacioni në urë zhvillohet në mënyrë alternative, nëpër një korsi.
Rruga rajonale nga fshati Izvor drejt Prilepit, më saktë fshati Stepanci Komuna Çashkë drejt Prilepit është me mbetje të tokës dhe baltë për shkak të shiut dhe e njejta është e pakalueshme.
