Shkup, 26 prill – Nxënësit e shkollave fillore dhe të mesme në Maqedoninë e Veriut do të jenë në pushim pranveror nga e hëna (29 prill) deri më 6 maj.
Për herë të parë ka një ndryshim në kalendarin mësimor, në mënyrë që viti 2023/2024 të përfundojë më 17 qershor për nxënësit e shkollave fillore, ndërsa për gjimnazistët, si vitet e kaluara, më 10 qershor.
Shkollat nuk do të jenë të hapura më 8 maj (e mërkurë) kur do të mbahet raundi i dytë i Zgjedhjeve Presidenciale dhe Parlamentare 2024.
Më 7 maj në ato shkolla ku do të organizohet votimi për zgjedhje do të kenë orar të reduktuar dhe orë pune deri në orën 11:00.
