Në emisionin “Log.” në Panorama TV është diskutuar për situatën brenda Partisë Demokratike, në të cilën ka debate dhe përplasje për zgjedhjen e kryetarit.
Deputeti i PD, Lefter Gështenja tha se duhet të ulen thikat dhe mos ketë përplasje në parti, pasi në të kundër nuk do jetë alternativë qeverisëse për zgjedhjet e 2025.
Ndërsa deputeti tjetër, Dashnor Sula i pyetur se pse një pjesë e duan Bashën, u shpreh me ironi se “kanë rënë në dashni”.
Pjesë nga biseda në studio
Xhafo: Çfarë e pëlqen një pjesë e juaja zotin Basha?
Gështenja: Sot nuk duhet të merreshim me Bashën se sot ka edhe ditëlindjen. Ne nuk është çështje emri, por çështje parimesh. Duke filluar nga anëtari më i thjeshtë tek drejtuesi me i lartë kanë influenca në atë parti. Çështja është si mund ta ridimensinojmë këtë parti.
Unë mendoj që nevojitet kontributi i të gjithëve. Nëse duam ta ndërtojmë do kohë, nëse duam ta shkatërrojmë ajo ndodh brenda pak sekondash. Ajo që unë kam kërkuar është që secili nga ne të japë kontributin e tij për një parti më të madhe që nesër të jetë alternativë qeverisëse. Por nëse ne vazhdojmë me përplasje, jo pa qëllim grupi parlamentar propozoi uljet e thikave. Ta heqim fluksin e përplasjeve mes demokrateve.
Xhafo: Pse një pjesë e duan Bashën?
Sula: Kanë rënë në dashni me mënyrën si qeveris dhe ka fituar gjithë ato gara dhe e shohin si zgjidhje të vetëm për fitoren në 2025,/m.j
