Shkup, 7 prill – Çështja energjetike është çështje rajonale dhe ne duam të jemi pjesë e zgjidhjes, theksoi ministri i Mjedisit Jetësor dhe Planifikimit Hapësinor të Maqedonisë së Veriut, Naser Nuredini gjatë pjesëmarrjes së tij në Delfi Forumin ekonomik në Greqi, njofton korrespondentja e MIA-s nga Athina.
Nuredini e potencoi nevojën për gjetjen e zgjidhjeve të përbashkëta, por edhe rëndësinë e investimeve të përbashkëta me fqinjët dhe si shembull i përmendi edhe interkonektorin midis Maqedonisë së Veriut dhe Greqisë duke shfaqur shpresë se në qershor do të fillojë procedura për tenderim dhe investim të vendit tonë në portin e Aleksandropulit.
Për krizën energjetike theksoi se jemi shumë të varur nga një burim dhe nevojitet diverzifikim, ndërsa për vendet e rajonit, Maqedonia e Veriut, Greqia, Bullgaria edhe krahas asaj që kanë politikë të tyre, nevojitet edhe strategji rajonale energjetike “që nëse në të ardhmen ndodh e njëjta të jemi të mbrojtur”.
Përveç për çështjen energjetike, ministri tha se edhe për agjendën e gjelbër, Maqedonia e Veriut është gatshme të jetë pjesë e zgjidhjes.
Sqaroi se edhe pse bëhet fjalë për një vend të vogël, megjithatë është vendosur në Marrëveshjen për klimën nga Parisi, është ambicioze dhe e përkushtuar në agjendën e gjelbër, me qëllime dhe strategji konkrete.
Theksoi se edhe pse ende trokasim në derën e BE-së për fillimin e negociatave, qëllimi është që deri në vitin 2050 si vend anëtar të jemi pjesë e zgjidhjes për arritjen e karbon neutralitetit.
Ministri Nuredini në diskutim me drejtorin e Institutit grek për zhvillim të qëndrueshëm Spiros Kuvelos u përqendrua edhe në menaxhimin e ujërave, duke e theksuar Liqenin e Prespës i cili vazhdimisht e humbë nivelin e ujit, si për shembull ku nevojitet bashkëpunim midis fqinjëve, sepse ndikon edhe ndaj Greqisë edhe ndaj Shqipërisë ndaj Maqedonisë së Veriut, ndërsa “Marrëveshja e Prespës e hapi rrugën për mundësi shtesë”.
Paralelisht foli edhe për menaxhimin me mbeturinat, për të cilin tha se mund të ketë bashkëpunim midis sektorit publik dhe privat, ndërsa u përqendrua edhe në problemin me ndotjen e ajrit.
