Shkup, 5 prill – Sindikata e nxënësve të shkollave të mesme ka përgatitur ligjin për ndryshimin dhe plotësimin e Ligjit për arsimin e mesëm, me të cilin do të vendoset transporti i duhur për të gjithë nxënësit e shkollave të mesme në mbarë vendin. Me propozimin tonë, të gjithë nxënësit e shkollave të mesme do të kenë të drejtën e transportit falas me autobus dhe hekurudhor në të gjitha regjionet gjatë gjithë vitit kalendarik, theksoi kryetari i Sindikatës, Luka Paviqeviq, në konferencën e sotme për media.
Ai shtoi se ekipet e Sindikatës kanë përgatitur dy propozim zgjidhje ligjore që së shpejti do të mund të hyjnë në procedurë parlamentare. E para, siç tha ai, i referohet transportit falas për të gjithë nxënësit e shkollave të mesme.
“Gjendja aktuale është shkatërruese: të gjithëve na kujtohet rasti i Radovishit ku 66 nxënës të shkolave të mesme nuk kishin transport për në shkollë për dy javë. Vetë sistemi është diskriminues – nxënësit e shkollave të mesme që jetojnë në largësi më pak se 2.5 km nga shkolla e tyre si dhe ata në shkollat private nuk kanë të drejtë për transport falas. Ata që kanë, nga ana tjetër, e humbasin të drejtën gjatë pushimeve, gjë që u zvogëlon lëvizshmërinë”, tha Paviqeviq.
Ai shtoi se kanë pasur një takim me kryetaren e qyteit të Shkupit dhe se idetë e tyre kanë gjetur mbështetje dhe mirëkuptim. Parimisht u dakorduan për takim me Këshillin drejtues të BNJVL-së.
Paviçeviq informoi se kanë përgatitur një projektligj që do të garantojë këshillat e nxënësve në secilën shkollë, pavarësinë e tyre nga organet e tjera të administratës së shkollës dhe zgjedhjet demokratike dhe të drejtpërdrejta për kryetarët e këshilleve të nxënësve.
