Presidentja e Kosovës, Vjosa Osmani është duke qëndruar për vizitë zyrtare në Mal të Zi.
Osmani është pritur me nderime shtetërore nga homologu i saj, Milo Gjukanoviq.
Osmani ka thënë se e ardhmja e vendeve tona është në Bashkimin Evropian dhe së bashku do të punojmë për të realizuar këtë synim të qartë.
“Me Presidentin Gjukanoviq diskutuam për rëndësinë e koordinimit të përbashkët për ta forcuar partneritetin në mes të Kosovës dhe Malit të Zi, si dhe fuqizimin e përpjekjeve tona kundër tendencave anti-demokratike dhe destabilizuese në rajonin tonë”, ka shkruar Osmani.
Presidentja ka theksuar se raportet në mes të vendeve tona janë të ndërtuara mbi frymën e respektit të ndërsjelltë, bashkëpunimit dhe përkushtimit të dyanshëm për të ardhmen tonë të euroatlantike.
