Nga Lamborghini kanë bërë të ditur se vetura super-sportive me dy ulëse Huracan, do të ketë pasuesin para fundit të vitit 2024, e me shkuarjen në pension të Huracan shkon edhe motori i tij 5.2 litërsh V10.
Njeriu i parë i kompanisë italiane Stephan Winkelmann në deklaratën e fundit për media, ka zbuluar se Lamborghini gjatë dy viteve të ardhshme do të ketë shumë punë, sepse gjatë kësaj periudhe do të përgatis pasuesit e modeleve super-sportive Aventador dhe Huracan.
Winkelmann ka konfirmuar së fundmi se është prezantuar Steratto, variacioni i fundit në temën aktuale të Huracan, që e vë në lëvizje motori me performansa të larta, kurse në gjeneratën e re që do të prezantohet para fundit të 2024, do të vjen motori hibrid (PHEV- Plug-in Hybrid Electric Vehicle) që do të duhej të kishte motor V8 bi-turbo, që në Sant-Agata Bolognese e kanë përgatitur pasuesin e Aventadorit me motorin e ri 6.5 litërsh V12, që në kombinim me tre motorë elektrik do të prodhoj mbi 1 mijë kuaj-fuqi.
Thuhet se i njëjti grup i angazhuar për zhvillimin e motorit hibrid që është paraparë për pasuesin e Huracan, do të përdoret edhe në prototipin Hypercar që Lamborghini pritet të marrë pjesë në garën botërore të qëndrueshmërisë (WES-World Endurance Champsionship në vitin 2024).
