Uashington, 28 shkurt – Pentagoni ende e studion urdhrin e presidentit rus Vladimir Putin që t’i vendos në gjendje gatishmërie forcat për përgjigje bërthamore dhe se trupat bjellorus ende nuk janë kyçur në konfliktin në Ukrainë.
“Ne ende e përcjellim këtë me vëmendje, duke pasur parasysh paralajmërimin e djeshëm të presidentit Putin”, deklaroi një përfaqësues i lartë i mbrojtjes amerikane.
“Nuk besoj se kemi parë diçka konkrete si rezultat i orientimit që e ka dhënë ai”, deklaroi ai në brifingun, njoftuan media amerikane.
Dje, katër ditë pas fillimit të invazionit në Ukrainë, Putini njoftoi se shefave ushtarakë të tij u ka urdhëruar “t’i vendosin forcat për kthimin e armatës ruse në regjim të veçantë të shërbimit luftarak”.
Por, autoritetet perëndimore thonë se nuk ka ndryshim të dukshëm në qëndrimin e arsenalit të fuqishëm bërthamor të Rusisë.
