Rusia e goditi një stacion hekurudhor në Kramatorsk me raketë balistike, deklaroi zëdhënësi i Pentagonit, Xhon Kirbi.
Sulmi u krye dje në mëngjes në qytetin në rajonin e Donjeckut, derisa mijëra njerëz po prisnin të evakuohen për shkak të aksionit të pritshëm ushtarak në rajon. Në sulm jetën e kanë humbur të paktën 50 njerëz, në mesin e së cilëve pesë fëmijë.
“Vlerësojmë se janë jobindëse pohimet e Rusisë se nuk ka kurrfarë lidhje me sulmin. SHBA-ja beson se forcat ruse kanë përdorur raketë balistike me rreze të shkurtra veprimi për të sulmuar”, theksoi Kirbi.
