Shkup, 18 korrik – Në kontrollin e komunikacionit të policisë dje në territorin e shtetit janë gjobitur 223 shoferë për ngasje me shpejtësi më të madhe se e lejuar.
Siç informon Ministria e Punëve të Brendshme, 12 prej tyre kanë drejtuar automjetin me shpejtësi mbi 50 kilometra në orë më shumë se shpejtësia e lejuar dhe dy makina me mbi 70 kilometra në orë më shumë se shpejtësia e lejuar.
“Në të njëjtën kohë, 94 automjete kanë tejkaluar shpejtësinë në zonë të banuar dhe 129 jashtë zonës së banuar”, bëri të ditur MPB-ja.
Ministria bën me dije se kontrollet në komunikacion do të vazhdojnë edhe në ditët në vijim dhe u bën apel të gjithë pjesëmarrësve në komunikacion t’i respektojnë rregullat dhe rregulloret e qarkullimit rrugor.
