Monika Liu tregoi më parë se do të veshë të njëjtin fustan edhe në Eurovision 2022, me të cilin u shfaq në konkursin “Pabandom is naujo” në Lituani.
Të paktën një element i inskenimit të Lituanisë për Eurovision Song Contest do të mbetet i njëjtë me finalen kombëtare, me Liun që tha se do të paraqitet me të njëjtën dukje.
“Po mendoja një fustan tjetër, por para së gjithash ai që më pëlqeu ishte shumë i shtrenjtë. Dhe përveç kësaj, kuptova se fustani i veshur në përzgjedhje është thjesht shumë i përshtatshëm dhe tashmë është bërë pjesë e pandashme e spektaklit”, u shpreh artistja për LRT.
Përfaqësuesja lituaneze nuk ka zbuluar asnjë detaj tjetër të performancës përpara provave, duke vendosur të presë deri në publikimin e klipit të parë për të diskutuar në detaje performancën e saj.
Por, kush është Monika Liu?
Monika Liubinaite, e njohur gjithashtu si Monika Liu, është 34 vjeçare dhe vjen nga Klaipeda në Lituaninë perëndimore.
Ajo ka filluar të merret me muzikë në moshën pesë vjeçare, ku filloi mësimet e violinës dhe filloi të këndonte në moshën pesëmbëdhjetë vjeçe.
Foto: Screenshot/YouTube
Monika studioi muzikë xhaz në Universitetin Klaipeda, më pas vazhdoi studimet në Kolegjin Berkeley në Boston, ShBA dhe u zhvendos në Londër për disa kohë përpara se të kthehej në Lituani.
Lituania debutoi në Eurovision Song Contest në vitin 1994, por në debutimin e tyre ata përfunduan në vendin e fundit me zero pikë. Lituania nuk u kthye në garë deri në vitin 1999 kur Aiste përfundoi në vendin e 20-të me këngën “Strazdas”.
