Të paktën 22 persona kanë humbur jetën pasi një varkë turistike u përmbys në shtetin jugor Kerala të Indisë.
Sipas mediave të huaja, mbipopullimi shkaktoi përmbysjen e varkës dykatëshe, tha për Reuters Abdul Nazar, mbikëqyrësi i vogël i policisë së rrethit Malappuram.
Varka thuhet se mbante rreth 50 persona, ose dyfishi i kapacitetit të saj, kur u përmbys mbrëmjen e së dielës.
Kryeministri indian Narendra Modi shprehu ngushëllimete tij përmes një postimi në Tëitter.
Shumë pasagjerë u bllokuan nën varkë dhe errësira pengoi përpjekjet e shpëtimit, sipas mediave lokale. Viktimat përfshijnë gra dhe fëmijë të cilët kishin ardhur për të shfrytëzuar pushimet shkollore.
Të paktën katër persona që u dërguan në spital janë në gjendje kritike dhe numri i saktë i pasagjerëve të zhdukur ende nuk është bërë i ditur. Autoritetet thanë se po hetojnë shkaqet e aksidentit.
Shumë nga pasagjerët e tjerë nuk kishin veshur jelek shpëtimi në kohën e incidentit, thanë të mbijetuarit për mediat lokale.
