Jamie Carragher kishte një fillim të gëzueshëm në studion e CBS Sports, aty ku punon si analist sportiv, por që fundi ishte i hidhur për të.
Legjenda e The Reds kishte emocione të përziera gjatë humbjes 5-2 të Liverpoolit kundër Real Madridit të martën mbrëma në Ligën e Kampionëve.
Golat nga Darëin Nunez dhe Mohamed Salah i dhanë Liverpoolit fillimin fantastik në këtë ndeshje të parë të së tetës së finales, por Real Madridi vazhdoi të shënonte pesë gola.
Vinicius Junior dhe Karim Benzema shënuan nga dy gola secili, ndërsa Eder Militao gjithashtu futi vetën në listën e realizatorëve.
Liverpoolit do t’i duhet një mrekulli e vogël për të përmbysë deficitin prej tre golave në Bernabeu muajin e ardhshëm.
Carragher, si çdo tifoz tjetër i Liverpoolit, nuk mund ta besonte atë që po ndodhe në Anfield, pasi skuadra e tij e zemrës e humbi epërsinë prej dy golave.
Ai në fund ishte një njeri me zemër të thyer, derisa një përmbledhje e emocioneve të tij tashmë po bën bujë në rrjetet sociale.
