Plagoset me thikë në fyt një i ri në Elbasan.
Ngjarja ndodhi në lagjen “28 Nëntori”.
Dyshohet se pas një konflikti të çastit për motive të dobëta, P. R. 54 vjeç, banues në Elbasan, ka plagosur me mjet prerës (thikë), Fabio Shypeja, 21 vjeç, banues në Elbasan, i cili ndodhet në spital, për ndihmë mjekësore.
Autori i dyshuar, P. R. është lokalizuar dhe kapur brenda pak minutash, pas ngjarjes. Aktualisht ndodhet në ambientet e Policisë, për veprime të mëtejshme procedurale.
Grupi hetimor, nën drejtimin e Prokurorisë, vijon veprimet hetimore për zbardhjen e plotë të rrethanave të ngjarjes.
