Presidenti i Polonisë, Andrzej Duda, tashëm ka mbërritur në Kiev të Ukrainës. Lajmin e ka bërë të ditur me anë të një njoftimi të lëshuar për media nga përfaqësuesit e tij. Duda, pritet të mbaj një fjalim rasti në parlamentin ukrainas, shkruan CCN.
Shteti polak, që nga fillimi i luftës ka treguar mbështetje të madhe për Ukrainën, ku edhe ka pranuar të krijoj korridore të ndryshme për refugjatët të cilët janë evakuuar nga vendet e tyre drejt Evropës. Polonia gjithashtu është njëri ndër përkrahësit më të fort të Ukrainës për anëtarësimin e tyre në Bashkimin Evropian.
