Shkup, 25 Korrik – Ndonëse Ligji për përdorimin e gjuhëve tashmë është miratuar prej sa kohësh dhe shumë institucione e kanë vënë në përdorim jo vetëm në dokumentacione por edhe në uebfaqet e tyre zyrtare, megjithatë ka ende institucione të cilat nuk mërziten aspak për përdorimin e gjuhës shqipe.
Një institucion i ngjajshëm janë edhe Pyjet e Maqedonisë, një drejtori e madhe me shumë të punësuar, madje një pjesë e madhe e të punësuarve në pjesën perendimore të vendit ndoshta janë dhe shqiptar por përdorimi i gjuhës shqipe është shumë i ulët ose të themi zero.
Kjo drejtori ka prej kohësh edhe zëvendës drejtorin shqiptar i cili duket se nuk mërzitet për mospërdorimin e gjuhës shqipe në drejtorinë me të cilën menaxhon ai.
Që nga publikimet në rrjetet sociale e deri tek uebfaqja e kësaj drejtorie nëse hulumtohet më thellë nuk ka asnjë publikim në gjuhën shqipe, e që ligjërisht si institucion është i obliguar të ketë por që nuk e ka.
Dëshmi e keni uebfaqen në vazhdim:
http://www.mkdsumi.com.mk/index.php
