Shkup, 28 shkurt – Ministria e Punëve të Brendshme (MPB) ka informuar qytetarët se konform dispozitave të nenit 34 të Ligjit për ndryshim dhe plotësim të Ligjit për armë, afati i zëvendësimit të lejeve për posedim të armëve, autorizimit për posedim të armëve dhe lejeve për posedim të armëve konform Ligjit për furnizim, posedim dhe bartje të armëve skadon më 04.06.2023.
“Të gjithë ato qytetarë që posedojnë armë me leje të vjetra obligohen të dorëzojnë kërkesë për zëvendësim të lejeve në afatin deri më 04.06. 2023. Njëherësh, MPB informon se ndaj kërkesës për zëvendësim të lejes, nevojitet të tregohet leja e vjetër e armës, ndërsa arma që do të jetë lëndë e riregjistrimit të sillet në mbikëqyrje”, njofton MPB-ja.
Qytetarët këto kërkesa për zëvendësim të lejeve të vjetra, duhet t’i dorëzojnë në Departamentin për armë, materie shpërthyese dhe të rrezikshme sipas vendbanimit ku jetojnë në kohën prej orës 08.00 deri ora 16.00, derisa qytetarët e Qytetit të Shkupit, kërkesat duhet t’i dorëzojnë në Departamentin për armë, materie shpërthyese dhe të rrezikshme- Shkup në Stacionin policor në Autokomandë në kohën prej orës 08.00 deri ora 16.00 me atë që pagesa e taksave mund të realizohet në bankë, postë ose terminalin e postës.
