Kryetari i Prishtinës, Përparim Rama ka thënë se personat me sindromën Down dhe Autizëm duhet të kenë një qendër adekuate për integrim dhe përkrahjen e këtyre personave.
Ai këto komente i bëri gjatë vizitës në objektin e përcaktuar për ndërtimin e Qendrës për Down Syndrome dhe Autizëm.
“Prishtinës i nevojitet një qendër adekuate e integruar për përkrahjen e personave me sindromën Down dhe Autizëm.
Së bashku me ekipin e Komunës, organizuam një vizitë për të përcjellë ecurinë e punës në objektin e përcaktuar për ndërtimin e ‘Qendrës për Down Syndrome dhe Autizëm’.
Jemi mirënjohës ndaj Agjencisë Turke për Bashkëpunim dhe Koordinim – TİKA për mbështetjen në krijimin e mundësive të reja për zhvillim dhe gjithëpërfshirje”, ka shkruar Rama në Facebook.
