Lojtari i juniorëve të Lirisë, Erand Bacaliu sot i ka shpëtuar vdekjes pas një lëndimi të rëndë në ndeshjen ndaj Istogut, ku e humbi vetëdijen dhe iu rrotullua gjuha.
Pas intervenimit të shpejtë të dy fizioterapistëve, Esmer Berishës dhe Masar Shalës, u arrit që të evitohet më e keqja, shkruan Gazeta Olle.
Ky moment i trishtë është një mesazh alarmues për të gjitha klubet tona se pa mjek dhe pa fizioterapistë kurrsesi nuk bën të zhvillohen ndeshjet në asnjë kategori.
Njoftimi i plotë nga KF Liria:
Sot, në Prizren në stadiumin “Përparim Thaçi” gjatë ndeshjes së juniorëve;
LIRIA – ISTOGU në një duel në ajër lëndohet rëndë lojtari i juniorëve të Lirisë Erand Bacaliu i cili humb vetëdijen e me ç’rast i rrotullohet edhe gjuha, por me intervenimin e shpejtë të dy fizioterapistëve tanë Esmer Berishës dhe Masar Shalës, arritëm t’a evitojmë më të keqen. I Falenderojmë të dy heronjtë tanë nga zemra për profesionalizmin e treguar sot.
Ky moment i trishtë është një mesazh alarmues për të gjitha klubet tona se pa mjek dhe pa fizioterapistë kurrsesi nuk bën të zhvillohen ndeshjet në asnjë kategori.
Ky rast eshtë mesazh i kjartë për organet kompetente se në ketë aspekt duhet të jenë maksimalisht rigoroz sepse jeta e të rinjve është më e shtrenjtë se gjithçka tjetër.
Erandit i dëshirojmë shëndet.
/Gazeta Olle/
