Kumanovë, 24 Korrik – Dy zjarre kanë shpërthyer sonte në rajonin e Kumanovës. Sipas informatave të para, zjarr ka te varrezat e qytetit dhe një tjetër te “Loveçki dom”. Ekipet janë në terren dhe po punojnë në shuarjen e zjarreve.
Sipas Qendrës për Menaxhim me Kriza, zjarret janë shkaktuar nga goditja e rrufesë.
“Në Kumanovë te Koka po digjet bari i thatë, në fshatin Proevce te Loveçki dom pyll me pisha. Zjarret janë shkaktuar nga goditja e rrufesë. Në Kërçove, në fshatin Tuin po digjet bar i thatë dhe pyll me kërcell të ulët. Në Veles – mes fshatrave Golozinci dhe Lisiçe, komuna e Çashkës po digjet bari i thatë dhe pyll me kërcell të ulët”, njoftuan nga QMK.
