Shkup, 29 mars – Është mbajtur sot seanca e 140-të e qeverisë e kryesuar nga zv.kryeministri Artan Grubi. Ndër vendimet kryesore të marra nga kjo mbledhje, është ai për ngrirjen dhe uljen e çmimeve të produkteve higjienike.
Gjithashtu, siç njoftohet nga qeveria, është miratuar informacioni Memorandume mirëkuptimi që synojnë lehtësimin dhe përshpejtimin e qarkullimit të njerëzve dhe mallrave ndërmjet Maqedonisë së Veriut dhe Serbisë.
Është përcaktuar draft-teksti i Ligjit të ri për Akademinë për Gjyqtarë dhe Prokurorë Publikë si dhe është sjellur Vendim për themelimin e Qendrës Institucionale Kombëtare për Kulturën e Bashkësisë Turke në Republikën e Maqedonisë së Veriut.
