Sot (1 prill) shënohet Dita e Gënjeshtrave dhe në disa vende e festojnë këtë ditë në mënyrë të ngjashme duke bërë shaka me të tjerët për të qeshur.
Një të tillë gjatë ditës së sotme e ka lëshuar edhe këngëtari i njohur shqiptar, Alban Ramosaj.
Ky i fundit ka publikuar një fotografi në rrjete sociale duke thënë se është bërë pjesë e “House of the Dragon”, serialit që i paraprin ngjarjeve të “Game of Thrones”.
“I emocionuar të ju njoftoj se jam caktuar zyrtarisht për të aktruar në serialin e ardhshëm të Game of Thrones, House of the Dragon”, ka shkruar ai.
Kjo natyrisht se është një shaka e artistit, pasi tanimë dihet se janë gjithsej 27 aktorë, yje të Hollywoodit.
Matt Smith, Emma D’Arcy, Milly Alcock, Olivia Cooke, Graham McTavish, Paddy Considine, Eve Best, Sonoya Mizuno, Emily Carey, Rhys Ifans, Jefferson Hall, Savannah Steyn, Maggie Q, Steve Toussaint, Fabien Frankel, Elliot Tittensor, Ryan Corr, Gavin Spokes, David Horovitch, Solly McLeod, Bill Paterson, Will Johnson, John MacMillan, Luke Tittensor, Danny Sapani, Matthew Needham, Theo Nate – janë aktorët pjesëmarrës të serialit.
Aktorët e “House of the Dragon”
Disa nga fansat kanë mbetur të befasuar nga ky shkrim i Ramosajt, e disa të tjerë e kanë kuptuar se është shaka për 1 prill.
