Shefi i ushtrisë belge vuri në pah sot shqetësimet për një kërcënim të mundshëm rus ndaj Moldavisë dhe shteteve baltike. Michel Hofman, vuri në dukje strumbullarin ogurzi të Rusisë drejt një ekonomie lufte dhe theksoi se Evropa duhet të jetë e përgatitur për çdo gjë dhe për të gjitha mundësitë.
“Ne shohim se Rusia ka kaluar në një ekonomi lufte. Unë mendoj se kemi të drejtë që jemi të shqetësuar. Gjuha e përdorur nga Kremlini dhe nga Presidenti Vladimir Putin është gjithmonë e paqartë. Është e mundur që ata mund të hapin një front të dytë në një moment në të ardhmen, në Moldavi ose në shtetet baltike,” deklaroi ai.
Duke tërhequr paralele me konfliktin e vazhdueshëm në Ukrainë, Admirali Hofman u bëri thirrje vendeve evropiane të jenë vigjilente, duke pretenduar se Moldavia dhe vendet baltike si Estonia, Letonia dhe Lituania janë objektivat më të mundshëm të radhës në axhendën e Rusisë. Ai theksoi se kombet evropiane duhet të demonstrojnë aftësinë e tyre për të mbrojtur veten.
Ndërsa shtetet baltike janë prej kohësh të shqetësuara për agresionin rus, gjërat janë veçanërisht të tensionuara kur bëhet fjalë për Moldavinë, e cila ndan një kufi me Ukrainën. Prej kohësh ekziston frika se Rusia mund të përdorë pretendimin e saj ndaj rajonit si një pretekst për agresion ushtarak, siç ka bërë jo vetëm në Ukrainë, por në vende si Gjeorgjia. Tre vendet balltike janë nën mbrojtjen e NATO-s, por shumë thonë se nevoja për gatishmëri është vendimtare.
