Shkencëtarët po trajnojnë minjtë për të gjetur të mbijetuar nga tërmeti derisa mbajnë çanta të vogla shpine me mikrofona të integruar, në mënyrë që ekipet e shpëtimit të mund t’i gjejnë dhe të flasin me ta.
Sipas medieve të huaja, përcjell Telegrafi, shkencëtarja kërkimore Donna Kean, 33-vjeçare, nga Glasgow, ka punuar në Morogoro, Tanzani, gjatë vitit të kaluar për organizatën jofitimprurëse APOPO në projektin e titulluar ‘Hero Rats’.
Ekipi po ndërton çanta shpine speciale me mikrofona të integruar, pajisje video dhe gjurmues vendndodhjeje që mund të vendosen te minjtë për të lejuar ekipet e shpëtimit të komunikojnë me të mbijetuarit gjatë tërmeteve të vërteta.
Aktualisht, shkencëtarët po i dërgojnë minjtë në mbeturina të rreme për të simuluar një përgjigje shpëtimi ndaj një fatkeqësie natyrore.
Kean tha: ‘Minjtë do të mund të futeshin në hapësira të vogla për të shkuar te viktimat e varrosura në rrënoja.
