Presidenti Bajram Begaj do të mbledhë sot në orën 11:00 Këshillin e Sigurisë Kombëtare, për sulmet kibernetike që kanë goditur sistemet qeveritare dhe TIMS në vendin tonë.
Në mbledhjen e Këshillit të Sigurisë do të marrë pjesë kryeministri Edi Rama, ministrja e Jashtme Olta Xhaçka, ministri i Mbrojtjes Niko Peleshi, ministri i Brendshëm Bledi Çuçi, si dhe të tjerë.
Gjatë verës Shqipëria ka rënë pre e sulmeve kibernetike iraniane.
Janë sulmuar faqet zyrtare qeveritare online të vendit tone e-Albania, sistemi TIMS dhe sistemi MEMEX. Për pasojë Shqipëria ka shkëputur marrëdhëniet diplomatike me Iranin.
