Ministri i Punëve të Brendshme, Xhelal Sveçla, ka pritur në takim shefin e ri të UNDP-së në Kosovë, Nuno Queiros, të cilin e ka përgëzuar për detyrën e re.
Në këtë takim, Sveçla ka thënë se për dikasterin që udhëheqë, UNDP është një partner i rëndësishëm.
Tutje, ministria ka bërë të ditur se është diskutuar për projektet që janë duke u zhvilluar suksesshëm aktualisht.
“Për këtë ministri Sveçla e falënderoi shefin e UNPD-së, për mbështetjen e vazhdueshme që janë duke dhënë për Ministrinë e Punëve të Brendshme dhe për agjencitë e saj”, thuhet në komunikatën për media.
“Ndërsa, shefi i ri në UNDP-së, z. Nuno Queiros, falënderoi ministrin Sveçla për gatishmërinë e tij për të zgjeruar bashkëpunimin edhe më tutje. Ai theksoi se UNDP do të vazhdojë të mbështesë MPB-në për realizimin e objektivave të saja”.
Aktualisht UNDP dhe SEESAC, janë duke e mbështetur fushatën që është duke e zhvilluar Ministria e Punëve të Brendshme për parandalimin e të shtënave festive: ”Festo me Zemër, jo me armë”.
