Shkup, 11 dhjetor – Sot një delegacion i Këshillit të ambasadorëve në përbërje Muhamed Halili, kryetar, Aleksandra Nakeva, nënkryetare dhe Nano Ruzhin, anëtar i Këshillit ekzekutiv patën në takim pune me kryetarin e VMRO_DPMNE Hristijan Mickovski të shoqëruar nga Antonio Miloshoski, anëtar i Komitetit ekzekutiv të partisë dhe kryetar i Komisionit për politik të jashtme në Kuvendin e Republikës.
Temë e bisedës ishin proceset eurointegrative në vend me ç’ rast u konstatua se subjektet politike në vend duhet ta japin kontributin e tyre maksimal drejt përshpejtimit të proceseve eurointegruese gjë që do të ndikojë në prosperitetin ekonomik, social, kulturor dhe të gjithanshëm të vendit.
Gjithashtu u konstatua se është e nevojshme që tani dhe në të ardhmen partitë politike në vend ti harmonizojnë qëndrimet e tyre politike në lëminë e politikës së jashtme dhe asaj ndërkombëtare, posaçërisht kur bëhet fjalë për temat që kanë rëndësi të posaçme shtetërore.
