Zjarret nga temperaturat e larta në Portugali nuk kanë të ndalur tash e 10 ditë, sipas Agjencisë së Mbrojtjes Civile zjarret në veri po shkaktojnë shqetësim të madh.
Në Bragança, një rajon afër kufirit me Spanjën, flakët u përhapën në territorin portugez nga një zjarr i origjinës në tokën spanjolle, ku një fshat i tërë duhej të evakuohej, shkruan AP.
Pavarësisht se temperaturat kanë filluar të ulen në Portugali, ato mbeten ende shumë të larta dhe afër 40 gradë në disa rajone të brendshme.
Portugalia është goditur veçanërisht rëndë nga zjarret këtë javë. Më shumë se 3,000 zjarrfikës luftuan me zjarret së bashku me qytetarët e zakonshëm portugez të dëshpëruar për të shpëtuar shtëpitë e tyre nga disa zjarre që shpërthyen në të gjithë vendin, të nxitura nga temperaturat ekstreme dhe kushtet e thatësirës.
Televizioni shtetëror portugez RTP raportoi të premten se zona e djegur këtë vit ka tejkaluar tashmë totalin për vitin 2021.
