Shkup, 26 shkurt – Ambasadorja kroate Nives Tiganj në takimin e sotëm me ministrin e Punëve të Brendshme, Pançe Toshkovski dhe zëvendësministrin plotësues Mitko Bojmacaliev deklaroi se Kroacia ka mirëkuptim për problemin me dokumentet e shtetasve të Maqedonisë së Veriut.
Ajo theksoi se shtetasit e Maqedonisë së Veriut kanë lëvizje të pandërprerë në territorin kroat edhe me dokumentet nëse të njëjtët kanë afat, për çka ministri Toshkovski shprehu mirënjohje të madhe, informojnë nga MPB.
Toshkovski e ka falënderuar për bashkëpunimin e deritanishëm dhe ka shprehur bindje se i njëjti do të vazhdojë të zhvillohet edhe në të ardhmen me intensitet të pandërprerë.
“Nga ana e Bojmacalievit, ishte shprehur mirënjohje për bashkëpunimin e deritanishëm edhe një herë ishte potencuar angazhimi për zbatimin e zgjedhjeve të lira, korrekte dhe demokratike”, njoftojnë nga MPB.
Ambasadorja Tiganj e potencoi bashkëpunimin e deritanishëm dhe e prezantoi Republikën e Kroacisë si mbështetëse e jona më e madhe në proceset e integrimeve evropiane.
