Gjenerali Nguema udhëhoqi një grusht shteti të mërkurën e kaluar kundër presidentit Ali Bongo, duke e rrëzuar atë menjëherë pasi u shpall fitues i zgjedhjeve të fundit.
Nguema ka një mbështetje nga njerëzit dhe shumë civilë u shfaqën në inaugurimin e tij, raportoi BBC.
Megjithatë, ka shqetësime se mbretërimi i Nguema do të jetë një vazhdim i mbretërimit 55-vjeçar të dinastisë Bongo , pasi ai e ka kaluar pjesën më të madhe të karrierës së tij në rrethin e brendshëm të Bongo-s dhe madje mendohet të jetë një i afërm i Ali Bongo.
Babai i Ali Bong, Omar, ishte në pushtet për 41 vjet para se të vdiste në vitin 2009, kur djali i tij e pasoi.
Gaboni është vendi i gjashtë frankofon që bie nën sundimin ushtarak në tre vitet e fundit, ndërsa ish-fuqia koloniale Franca lufton për të ruajtur ndikimin në Afrikë.
Gaboni u pezullua nga Bashkimi Afrikan pas grushtit të shtetit, i cili u dënua nga OKB-ja dhe Franca.
