Një aksident i rëndë ka ndodhur në orët e mbrëmjes në Imola, në zonën e Bolognese. Si pasojë e ngjarjes humbi jetën një 24-vjeçar me origjinë shqiptare. Ky i fundit po udhëtonte si pasagjer me një Mercedes CLK i cili pas një devijim të papritur, doli nga rruga në cep të via Banfi dhe via Graziadei, duke u përplasur me një pemë.
I riu shqiptar, i cili ishte në sediljen e djathtë, u nxor pa jetë nga ekipet e shpëtimit. Gjithashtu shoferi, një 23-vjeçar shqiptar dhe 19-vjeçar me origjinë rumune që ndodhej në sediljet e pasme mbetën të plagosur.
Policia italiane ndodhet në vendin e ngjarjes, ndërsa po heton shkaqet e rrethanave të aksidentit.
