Në stacionin policor të Prishtinës është raportuar dje një rast i dhunës në familje.
Indeksonline raporton se dy vëllezër kanë raportuar në polici se dyshojnë që dhëndrri i tyre, F.Selimi, po ushtron dhunë ndaj motrës së tyre.
Të njëjtit thonë se dhëndrri i tyre edhe i ka kanosur.
Policia ka shkuar në banesën e të dyshuarit, të cilin bashkë me bashkëshortën i kanë shoqëruar në stacion policor.
Indeksonline raporton se me vendim të prokurorit, pas intervistimit i dyshuari është dërguar në mbajtje për 48 orë.
Rasti është iniciuar me dy vepra penale: “Dhunë në familje” dhe “Kanosje”.
