Leotrim Krasniqi nuk do të jetë më trajner i Vjosës.
Klubi nga Shtimja njoftoi sot se ka ndërprerë bashkëpunimin me Krasniqin.
Shkëputja e kontratës thuhet se është bërë me marrëveshje të dyanshme.
Ky vendim vije një ditë pasi Vjosa pësoi humbje në derbin ndaj Prishtinës së Re.
Pas 22 xhirove nën drejtimin e Leotrim Krasniqit, Vjosa renditet e treta në Grupin B të Ligës së Parë me 43 pikë të grumbulluara.
Njoftimi i plotë nga klubi i Vjosës (pa ndërhyrje):
“NDËRPRITET BASHKËPUNIMI ME TRAJNERIN LEOTRIM KRASNIQI!
KF. VJOSA njofton opinionin futbolldashës që ndërpret bashkëpunimin me shefin e shtabit teknik Leotrim Krasniqi me marrëveshje të dyanshme.
Bashkëpunimi me trajnerin Krasniqi ndërprehet, pasi që të dyja palët kan konsideruar që kjo ndërprerje e bashkpunimit në këtë moment është në të mirë të të dyja palëve.
Me këtë rast, KF. VJOSA falenderon trajnerin Leotrim Krasniqi për kontributin e dhënë gjatë periudhës përderisa e drejtoi skuadrën tonë. Ai së bashku me stafin e tij arriti të shpallë kampion vjeshtor klubin tonë në Ligën e Parë grupi B andaj klubi e falenderon për punën e bërë dhe i dëshirojmë shëndet dhe shumë suksese në karrierën e tij.
Ditëve në vazhdim klubi do të vendos për trajnerin e ri të cilit do t’i besohet drejtimi i skuadrës”.
