Një ngjarje e rëndë ka tronditur italinë, ku protagonist ka qenë një familje shqiptare.
Mbrëmjen e kaluar 45-vjecari shqiptar Taulant Malaj, pasi është kthyer në shtëpi ka kryer një masakër, duke vrarë një shtetas italian, vajzën e tij si dhe ka plagosur bashkëshorten, e cila ndodhet në gjendje të rëndë në spital.
Taulant Malaj nga Selenica e Vlorës, para dhe pasi i ka qëlluar me thikë, i ka filmuar viktimat dhe videon ia ka dërguar miqve të tij.
Këtë video ua kishte dërguar njerëzve të afërt për t’i treguar krimin horror, por edhe për të justifikuar veprimin e tij.
Madje në një moment ka dashur të vrasë edhe djalin e tij 5 vjeç. I vogli arriti të dalë menjëherë nga shtëpia.
Tragjedia ndodhi në Torremaggiore, Foggia. Taulant Malaj, një bukëpjekës 45-vjeçar shqiptar, akuzohet se vrau vajzën e tij gjashtëmbëdhjetëvjeçare, Xhesika dhe një italian, tregtarin 51-vjeçar, Massimo De Santis.
45-vjeçari ka tentuar të vrasë edhe gruan e tij Tefta Malaj, 39 vjeçe që e akuzonte se e tradhtonte me italianin.
Krimi ka ndodhur mbrëmjen e së shtunës. Bukëpjekësi u përball me tregtarin, pronar i bareve Jolly, në shkallët e një ndërtese në via Togliatti.
Italiani, kunati i senatorit Gisella Naturale (M5S), u godit me thikë për vdekje. I pakënaqur, vrasësi arriti tek gruaja e tij për ta vrarë.
