Agjencia Zhurnal.mk.

Zbulohet fanella e re e Milanit për sezonin jubilar, dizajni na kthen 100 vjet pas

Pas një sezoni të pasuksesshëm në futbollin italian dhe evropian, sezonin e ardhshëm Milani do të tentojë të ecë më tej në të gjitha garat dhe së shpejti do të prezantohet fanella e re për vitin e ardhshëm, e cila tashmë ka rrjedh në internet.

Tradicionalisht, faqja e specializuar që zbulon pamjen e fanellave të klubeve të futbollit, Footy Headlines, ka zbuluar edhe se si do të jetë fanella e Milanit për sezonin e ardhshëm 2024/25.

Është sezoni jubilar, sezoni i 125-të i Milanit që nga fillimi i tij dhe me këtë rast në San Siro vendosën për një dizajn të vërtetë ‘retro’ që do t’i kthejë tifozët në fillimet e klubit me stilin e tij.

Fanella është realizuar sërish në bashkëpunim me kompaninë Puma dhe këtë herë do të dominojë ngjyra e kuqe me vija të zeza, ndërsa pjesa e pasme e fanellës do të jetë tërësisht e kuqe. Përveç dy vijave të bardha anash, me të bardhë do të jenë edhe emrat e sponsorëve.

Në anën e pasme do të jetë numri 125, i cili do të tregojë numrin e viteve të klubit shtatë herë kampion evropian.

Meqë ra fjala, Milani ka një sezon të keq pas vetes sepse mbeti pa shanse për të fituar ndonjë trofe. Skuadra është në vendin e dytë në Serie A dhe nuk ka dyshim për këtë, por rivali i qytetit, Interi fitoi Serien A dhe kuqezinjtë u eliminuan si nga Liga e Kampionëve ashtu edhe nga Liga e Evropës. Gjithashtu, ata i dhanë lamtumirën herët Kupës së Italisë.

Milani sigurisht do të hyjë në sezonin e ardhshëm me një trajner të ri sepse vendosi që të mos vazhdojë me Stefano Piolin. Ende nuk dihet emri i pasuesit të tij, por bien në sy disa emra si Antonio Conte, Marko Van Bommel dhe Ignazio Abate. 

Related posts

Në Etihad apo Emirates? Mësohet se ku do të qëndroj trofeu në ndeshjen e fundit të Ligës Premier

D V

Verë e pasigurt e Milanit – kush do të qëndrojë dhe kush do të largohet?

D V

Dominguez kundërshtar i Zeqirit për dy tituj internacional UBO e UBF

A.S.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky