UEFA i ka kushtuar vëmendje rizgjedhjes së presidentit Agim Ademi në krye të FFK-së për mandatin e tij të dytë.
Shtëpia e futbollit evropian me një artikull të veçantë e ka pasqyruar procesin e zgjedhjes së Ademit.
Aty janë veçuar edhe thekse nga fjalimi i presidentit Ademi pasi mori besimin e shumicës absolute të delegatëve, por edhe synimi i tij për masovizimin e mëtutjeshëm të futbollit dhe zhvillimin e tij.
“Këtë mandat të ri nuk e marr si privilegj, por si obligim. Megjithatë, këtë obligim nuk mund ta kryej pa ju. Unë jam një person futbolli dhe jam i lumtur që ndihem si në shtëpinë time këtu para jush”, janë cituar nga UEFA fjalët e presidentit Ademit para delegatëve.
Artikulli i plotë:
https://www.uefa.com/returntoplay/news/0274-14d85125de60-982da27288a0-1000–ademi-wins-second-term-in-kosovo/
